ما لكم إلا الربيع !!‎ ياعصير يارايق°●●°

كُتب : [ منذ 7 ساعات ]

وع وع وع

احسن قاطعوه كلكم ياعساه يصير بثلاثه ريال

خاين العشره

هذا يا طويلين العمر

اليوم الصباح و أنا في البوفيه احاسب على الفطور الا اخذتلي كوكاكولا

شوي الا الهندي يقولي بريال ونص !!

قلتله:نعممممممم!! صايدني يبو الشباب ؟ هذا كولا مو ببسي!!

قالي:سديق هذا امس يجي ريال ونص سيم سيم ببسي

قالها وهو يلصق خطاب الشركه في خشمي !!

و أنا اللي تقفل معي واخذ الكولا بارجعه الثلاجه

وقلت والله لو باشرب مويه الردايتر مع الفطور اني ما أخذه بريال ونص !!

وأنا ارجع الكولا لمحت بطرف عيني الثلاجه الصغير اللي جنب ثلاجه الكوكا

إلا اشوف عصير مابقي منه الا 3 حبات

أركز شوي الا هو عصير الربيع برتقال !!

وانا اللي اطالع الهندي بنص عين

و أقوله : وش أخبار الربيع وصل الى خمسه ريال ولا بعد ؟!

قال : لابابا هادا واحد حبه ريال

طالعت في عصير الربيع وابتسمت بحنان

وبغيت أضم القوطي لولا اني خفت الهندي يقول عني مجنون

وانا اللي اضف أخر 3 قواطي في الثلاجه واحاسب الهندي وأطلع

اول ما ركبت السياره وانا اللي افتح قوطي الربيع (وأطعنه)بالمزاز وامزلي ذيك المزه

الللللللللللللللله ياهي مزه !!! (بفتح الميم وليس بضمها..منعاً لسوء التفاهم)

الله يا جماعه الخير يوم ذقته اني احس اني رجعت 12 سنه لورى

تذكرت ايام الطفوله

وأيام المدارس والفسحه بعد الحصه الثالثه

تذكرت أيام الاختبارات

تذكرت لا أبوك عطاك ريال وقالك اشترلك عصير مفيد بدل الببسي والله ما كنت اخذ غيره

يالله على ذيك الأيام والله ان الريال فيها كان بركه

كان البزر فينا اللي معه5 ريال يعتبر كأنه الوليد بن طلال بيننا!!

أيام كان الريال الواحد تخطط له وين بتصرفه وكم حبه علك بتشتري فيه !!

والله من زود الحنين قمت أسولف مع القوطي وكان الحوار كالتالي:

تصور يا(ربيعي العزيز) ان الببسي كبر راسه قبل كم يوم؟!

وما صار يرضى يطلع من الثلاجه الا بريال ونص ؟؟

شاف نفسه الخايس !!

بعد كل اللي سويناه ليه

أبائنا يحذرون منه وطنشناهم

الدكاتره يقولون لا تقربونه وطنشناهم

وقلنا هذا ببسينا الغالي

وهذي اخرتها حبيناه الى ما كبر راسه علينا

على بالك همنا يالربيع؟!! لا وغلاتك ما هز فينا شعره !!

وقلنا له بلعنه ما نبغاك عندنا ولد عمك الكوكا كولا

للحين حبيب ويجي معنا بريال زي الحلاوه

بس والله يالربيع طلع قليل خاتمه مثل ولد اخوه !!

ما مر عليه يومين الا هو الثاني صار يتغلى وصار بريال ونص !!

تصور يالربيع !

طول عمرنا نشتريه بريال؟

وش اللي جد في الموضوع ؟

تقولي السكر ارتفع؟

بالله خلهم يلعبون غيرها !!

طيب ليه ما ارتفعت اسعار الكيك والعصائر والمربي....مع انها فيها سكر هي الثانيه !!

والسؤال الأهم انت يالربيع ليه ما ارتفع سعرك؟ ليش انت ما فيك سكر ؟

انا أقولك ليه............ لأنك وفي!!

من يومك وانت بريال

من يومك وأنت بارد

من يومك وأنت تروي عطشنا

والله لا أرجع لك لأن ثبت ان باقي المرطبات مافيها خير

-الببسي والكوكا وكبر راسهم وصاروا بريال ونص !!! >في ستين داهيه على قوله اخوانا المصريين

ما لكم إلا الربيع !!‎ ياعصير يارايق°●●° Baxtulvhm4gt

-البايسن وطلع يجيب عقم !!

ما لكم إلا الربيع !!‎ ياعصير يارايق°●●° Utf362feurr5

-السن توب طلع دنماركي

ما لكم إلا الربيع !!‎ ياعصير يارايق°●●° C0s0cwi8s5fe

-الريدبول طعمه خايس وميزانيته ما تصلح مع اخر الشهر

ما لكم إلا الربيع !!‎ ياعصير يارايق°●●° Het5wvqxdufb

-الهولستون الرمان بعد ما حبيناه باسبوع صار ب3 ريال ونص !! يعني نسيناه قبل لا نحيه

فديت راسك يالربيع مالنا إلا أنت فلا تتخلى عنا تكفا.....!!!

كل هذا الحوار دار وأنا ما زلت واقف امام البوفيه

والهندي يناظر فيني من ورى القزاز ويدق بجوال >>ضنتي انه يدق على مستشفى شهار !!

أثرت السلامه وتوجهت لدوامي ومعي قوطيين ربيع زياده لزوم الغدى والعشى

ما لكم إلا الربيع !!‎ ياعصير يارايق°●●° U0dq1nk9f6fl

وخلي الكولا في ثلاجاتها

ما لكم إلا الربيع !!‎ ياعصير يارايق°●●° 8cgws7n396dh

وخلي النص ينفعك يالببسي

ما لكم إلا الربيع !!‎ ياعصير يارايق°●●° Rnqqnmn5cfvm

وسلامتكم

ما لكم إلا الربيع !!‎ ياعصير يارايق°●●° 25vept14a7qs

من خواطــــــــري

يسلمو

ههههههههههههه
يسلموووو ع طرح الموضوع روووووووووعه
تقبلي طلتي

مشكورين

اسعدنتني ردودكم

» ما لكم إلا الربيع !!‎ ياعصير يارايق°●●°