السلام عليكم ورحمه الله وبركاته
حيّ الدوافير
جوّ الطلاب حاليا :
جت حزة الإختبارات .. و جاء وقت هالموضوع
الوقت اللي يزين فيه البزران و التلفزيون و الطلعات و بيت الخوال و كلللش
بما إن هالأيام النفسيه عند أعزائنا الطلاب والطالبات دمار في دمار
حبينا نفتح لهم مجال يفضفضون فيه و يطلعون حرتهم قبل لا يطق براسهم عرق
قبل لا نترك لكم المجال .. ودنا نذكركم بكم شغله على السريع
* احرصوا على صلاتكم و خلكم قريبين من ربكم .. ما يحتاج تذكير هاه ؟
مب لا خلصتوا مذاكر هبدتوها نومه و سحبتوا على أم الفجر << هذا إذا ناموا
الله يعين بس..ومثل ماقال الشاعر((ليت ربي ماحط لا دراسه ولا كتب ولااختبارات...الى اخر القصيده..))
<<انواع اللي تورطو..
* احرصوا تدعون الله بأدعيه تسهل المذاكره ..
و إن ربي يفتح على قلوبكم و يسهل دروبكم
ويعطيكم خير من فيه خير و يكفيكم شر من فيه شر
<< وين يمي عرس هو
الزبده
اللي عليكم إنكم تفضفضون لنا ..
علمونا عن طرقكم الجديدة في المذاكرة
وش ناويين هالسنة ؟ .. تذاكرون قبل بوقت و تشدون الهمة
و لا من النوع اللي ليلة الإختبارات يبدأ الصدز و الصياح ؟
طقوسكم .. نفسياتكم .. عاهاتكم ..مواقفكم دباشتكم ودلاختكم
كيف حلكم وش جآكم ووش اللي استغربتو منه
أهم شيء .. نتفق إننا نبعد عن البراشيم و الغش هاه
كل اللي في قلوبكم نستقبله هنا
حلالكم فضفضوا فيه بالطول و العرض بس بدون شتشته
و على العاطلين يجيبون فصفص و شاهي و يتفرجون علينآ
المآيك لكم
لي بآك بعد تفاعلكم
